April 26, 2020
পারগাণা
করন চন্দ্র মুর্ম্মূ
বেওরা সাকাম অলকাতে
আড়াঃ কেদাম গটা টঠা
বাজার সাহার আত-ডিহৗত টঠা ।
মিদুন হেলমেল্ হুয়ুঃ কানা দুলদুল
টামাক সাডে ঝৗইকরতাল রেগড়া
রাওয়াঃ কানা লুতুর পেরেচ্ ।
তারক রাকাব কানা সাওঁতা গটা
এনেচ্ সেরেঞ সাওহেৎ অকা
এপের হেণ্ডেচ্ সালাগটা পারগানায় গটায় ।
আয়ুর ইদিয়ায় মুরুক সাওঁতা
টল মলাঃ কান তিরলৗ ধরম
লেসের বেডের লেবেত লটম ।
পারগাণা পারগাণা এপের হেণ্ডেচ্
অকয় কাটিচ্ অকয় লাটুঃ
মৗন মহান
ক খজঃ আ ।
লাতার
কুলহি চেতান কুলহি
জেলা, পনত, দিশোমরে হাটিঞঃ আক পারগাণা পারগাণা
॥
মিদিনতে
মিদুন হেলমেল ক, হ-হয়া সুরসুপুর ঠাওরে ,
জেলা হেলমেল পনত হেলমেল দাড়েক উদুগা পারগানা ।
হড়ক হিজুঃ দুমেল দুমেল
মুরুক হড় অকয় অকাসেন ক সেনঃ আ ?
বাংক বুঝৗউ দাড়েয়া আ
হায়রে মুরুক সাওতা
নিতহঃ মেনাম ভাওতারে ।
সাওঁতা বিসিজাং লাবিদঃ আ
জুমিত দাড়ে চাবাঃ আ ,
সাওঁতা ভৗলৗই কামিরে
এটকে টড়েয় আগুয়া ।
পারগানা আপেগে আকিল
বুদান মানমী চেদাঃ তবে নঙ্কা হাটিঞ ,
হিনৗনিয়ৗ পাটি করাও মেসে
সাওঁতা ভৗলৗয় কামি লাগিত
সাওঁতা ধরম আলম হাটিঞ ।
সারি-সারনা ধরম আতে
এপের হেন্ডেচ্ সাওতা সরম ,
ছাতিক জৗতক লান্দায় ।
সরকার চাঃ এ ছৗটয়ৗর ধরম।
খ্রীষ্টান , বৌদ্ধ ,শিখ ধরম হাতাও মেসে
ঠাই তাম দ ফারাকরে।
মেনাম গেয়া লেটের পেটের
সাওতা রেতাম গরব
ধরম গেতাম দাড়ে।
মিতে সারি সারনা ধরম ঞুতুম আমেটলেম
তবেম ভিনৗয় সারি আর সারনা।
সারিক লৗই সাওতারে সারিগে
এড়ে লৗইতে লাজাও বতর
সারহ সারিগে সারনা দেন,বালেবেকের,
ধৗই বুড়হি সারতে সারি বুকৗই গেল্লেদা।
পিলচু হাড়াম বংশ আব
চেদা ? তবে এপের হেন্ডেচ্ পারগাণা পারগাণা পারগাণা
॥
0 comments:
Post a Comment